Mäi Numm ass Serge Birchen an ech liewe mat menger Famill zu Koler.

Zu eis gehéiert eise Mupp Rumo, en 9 Joer jonke schwäizer Schéiferhond.

D'Rumo ass am Welpenalter bei eis komm an hält eis säitdem op Trapp.

Nierft mengem Studium zum Hundeverhaltensberater bei der ATN (Akademie für Tiernaturheilkunde) hun ech meng Ausbildung zum Zughundecoach am Mee 2015 ofgeschloss. 

Fir mech ass dat wichtegst aus Mensch an Hond e gutt Team ze maachen wat zesummen duerch déck an dënn geet. D'Gläichgewiicht tëscht Erzéihung-Beschäftegung an Auslaaschtung spillt hei eng zentral Roll.

De Spaass an d'Begeeschterung vir zesumme mat sengem Hond nei Saachen ze léieren an ze entdecken dierfe ni vergiess ginn.

An deem Sënn freeën ech mech Iech an Är Muppe kennenzeléieren :D